Mauro Bellodi veterinario e appassionato cacciatore d’altri tempi ci ha fatto pervenire una simpaticissima zirudella di parecchi anni fa di autore anonimo, che illustra un episodio di bracconaggio al crocicchio di San Biagio.

LA LIVRA DAL CRUSAR

Butand l’occ in mez a la tèra, a vint metar da l’incròs

la sna stava lì tranquìla a dispet at tant curios………

Quei ad San Biasi, la matina mentar i andavan a lavurar,

i la vdivan in dla so cucia, l’ira ” la livra dal crusar”.

L’ira stada fortunàda a tùar in gir tant casador…..

A fargàr i tant segug chi bracavan sul so udor….

Tra il tabeli dal diviet cà ghà miss al cuntaden

lassintiva più al sicur, la scardiva da star ben……

Ma purtrop sabat pasa, un ad Pavgnani, al più caion…..

l’ha pinsà che con clà livra al psiva far tant maccaron…..

Anc parchè durant la càsa con quel che ag gà catà i sò can,

dop dù mes ad ris in bianc al risciava ad murir ad fàm……

È suces tut in poc temp, dop aver farmà al furgon,

l’ha discus con al sò amig ” Gallo” qùal al psiva esar al pian d’azion

L’ha cargà al sò sciop in strada , e sù quest’anghiva dubi…..

l’ha pugià dò o tre sciuptadi a la livra ancor a cùbi…….

E la bestia spavintida dal gran stuss ad la sciuptada……

l’è scapada in tuta pressia par rivar à la carada.

Ma purtrop dop poc second quand’ormai l’ira al sicur,

un infart al la farmada e l’è armasa com un bec dur.

Bella storia, bella scena quel chi an vist davanti al bar…..

Quand l’è turnà con la livra i gan dà tut dal sumar….

Chi posa esar l’individuv am l’insugn quasi tut il not,

e am vìan sempar in ment un numar, lì cal numar l’è al Dasdot !!!!

A son sicur che lì cal numar al sia in grad a denunciar

quel che sabat da matina ha sparà in dal crusar

e a son anc sicur che in ultim al turrà la décision

dan tuar mai più siag a càsa quel ad Pavgnani…..al più caion !!!!

PROBABILMENTI CAION I EN DU !!!!!!!

E CON QUEL CHE A MI AM RISULTA

QUEST AL FA’ PIÙ’MAL AD NA’ MULTA!!!!!!

La foto: Il cacciatore ritratto è A.Martinelli (bisnonno di Mauro Bellodi)