A m’ son sbagliâ
’Na sirra ò vist
’na brutta faccia
a la stassiòn d’Bulogna.
I cavi long
’na barba da bandì
e ’n’aria ch’an tal dig.
Al spettava davsin
al sottpassàgg.
”Adess a succèd quel”
a i’ò pinsà,
e a vdiva
coi occ dla fantasia
’na rapina o forse
’na vendetta.
E sa’t cus’è success?
È riva ’na ragàssa
da l’aria un po’ smarìda
con ’na puttinna
ch’la pariva un zugattlèn.
Lu l’à basâ la zovna,
l’à ciappà in brazz
la bagaiétta e po’…
ò vist ’na làgarma
bagnàr i péi d’la barba.
Chi sa parchè al pianziva?
Cum’as fa prest
a dar una patenta.
Tratto da: Della Vecchia Mirandola – E di poche altre cose.
Autore: Libero Gavioli
Anno 1989
Ma parché ,vist al scampa pericul,an glat minga admanda,gabian…👋😉🍾🥂