AL ME BARBIAR

L’iva fatt da zuvnott enc al tenor

e al cantava l’Aida con amor

in dla butega tra chi specc lusent

e mentar al sarviva i so client

s’al n’iara par la tersa sò muiar

al sarev sta un bon om al me barbiar

e sol cl’angava tutt i sò magon

abvend na grapa opure dal ven bon

e quend al cont ad tutt i biciren

l’ira un pò elt, bisgnava star lunten

parché al taiè gli ureci col rasor

enc a me padr un dé cl’ira in calor.

Il favan spess rabir «Cua t’ani fatt

tuti cal doni, c’at sia dvinta matt?

E lò ridend «Piutost, dopa spusadi

ien morti par al gren mè strapasadi».

Nissuna ad le cal tre là m’ha tgnu bota

E n’atar «An cuntar più che ’sta fota

Piutost, vian ché, c’at pag un biciren

e lò «uatar sé ch’a ma vli ben!

E con ates l’eterna so butiglia

al cantava «Il barbiere di Siviglia».

Mauro (Imer) Tinti

Tratto da:  Turnand a San Szvan – Poesie dialettali – Dialetto di Disvetro di Cavezzo (Mo)

Anno 1986