Scàndal in Canonica
L’Arsipriat al g’ha na’ gata
bela, zovna e un po’ furbina . . .
tutt il siri la fa la mata
e la siga fort cme la Mina.
Tutt i gat dal paes igh fan la cort,
gat modèran chi bàlan al je je
ma lia, e l’an g’ha minga tort,
l’é cota par un sol: al so’ Nené.
L’é brut, ross, coi bafi in pingulòn,
al burìs a tutt i concorrent
agh mosga la coa e agh da di sgranfgnon.
L’Arsipriat e i caplàn in n’en minga cuntent:
sta gata ch’la faga pur l’amor,
ma brisa col gat dla Camra dal lavor !
Riccardo Pelati
Dialetto di San Felice sul Panaro
Tratto da: Piccola antologia di poesie dialetteli della provincia di Modena.
Anno: 1985/86
