Conferensa su “problematiche sessuali della coppia”.

Voot mo dir ch’a psiva mancàr Jusfen?

Dop aver  sviscerà soquant argoment al relatòr al fa na dmanda al publich present in sala:

” A fini scientifici e statistici a vrev savèr quant, d’uatàr, ha rapporti sessuali tutt i gioràn”

In sala, dop na breve esitazione, al 20% alza la mano.

Al relator al continua:

” E quant na volta a la smana?”

In sala a gh’è un gran brusio pò al brazz al ven alvà dal 50% dal publich.

“E na volta al mees?”

Con un certo imbarazzo as leva sol des brazz.

” E….na volta a l’ann?”

In dal silensi dla sala as leva Jusfen tutt cuntent:

“Ioooooo!!!!”

Al relatòr al la guarda perpless:

” Come mai lei è così contento?”

E Jusfen tutt sudisfatt:

” L’è stasira!!!!”

Suggerita da Alberto Barelli