Jusfen als càta al bar con n’amigh:

“statra smana a vagh a Parigi con la Marta” al dis Jusfen a l’amigh, “ma a son preocupà…an so minga al frances e cum fagghia a spiegarum al ristorant!!”

“Minga preocuparàt” agh dis l’amigh, “dascor in dialett, sol tenàt in na ment ad dir AVEC inveci ad CON e at vadrà ch’it capisàn.”

Jusfen al va a Parigi ed entra in un ristorante.

“Alora…a vrev dal furmai e dal salam AVEC dal paan”

Dop zinch minut ariva al camarer con un piatt ad salam e furmai col paan.

Jusfen, tutt cuntent continua:

“adess…tam port un bel piatt ad macaron al ragù”

Dop des minut ariva al camarer col piatt ad macaron.

Sempàr più cuntent, Jusfen ordina un caffè e na grappa e subit al ven cuntintà.

Felice e sudisfatt al ciama al camarer e:

” Oh…cumpliment!! Mè a son Jusfen a dla Mirandla!”

E al camarer: ” e me a son Giorgio ad Quarentul….se no AVEC al caz c’at magnav!”