La barzelletta della Lory del lunedì.

Commenti (0) Primo Piano

Jusfen e la Marta i è stà invidà a na festa in maschera ma la Marta a gh’ha mal ad testa e Jusfen agh va da par lu.

Dop n’ora la sta mei e la decid d’andaragh anca lee.

“A fagh na sorpresa a Jusfen…a voi propria vedar cum als cumporta, al me costum al na l’ha mai vist!”

A la festa la ved subit so marè ch’al balla e al fa al sumar con tutt al donni e la decid ad vedar fin a che punt al pol rivar.

L’agh va darent e l’al tacca a provocar e tra na batuda, un sorriso e na tucadina i finisan in na cambra da lett.

Finì l’ampless ognun al va par la so strada e la Marta la torna a cà e l’as mett a lett.

Torna Jusfen e subit la Marta:

“Cum ela andada, t’at se gudù?”

“T’al sà Marta che sensa ad tè l’è na tristessa! An n’ho gnanch balà, ho catà Ghirard,Pietro e soquant amigh e a sem finì in mansarda a zugar a poker tutta la sira! Però a t’ho da dir che la festa l’è riuscida ben parchè ho prestà al costum a un che, dop, al m’ha ditt ch’al s’è gudù da matt!”

Lascia un commento

Il tuo indirizzo email non sarà pubblicato. I campi obbligatori sono contrassegnati *