A sém miss mal !
Un Tassista al purtava par città
Tre Miss con premio di beltà!
In un incrós a càpita un incident;
con qualc ammaccatura, poc e gnent.
La Pólice indaga: Lei italiana?
Miss Italia, io son romana.
La seconda, giovane e biondina:
io sono Miss Argentina!
E la terza: son Miss Africa, Senegàl
E voi, autista: mi a son Miss Mal ! ! !
Andar in gir a càpita da tutt,
mi a son preparà al bell e al brutt!
Al temp al cambia da nuvolós a srén;
e bisogna saver tòr quel ca vén!
Saverla tór, la vita l’è pur bèlla:
basta, sa pióv, purtar ség Tumbrèlla!!!
Tratto da: Questa an l’ho mai sintida – Poesie del dialetto di Concordia
Autore: Don Giuseppe Mazzola
Anno 1991
