– Pirein l’é un ligiròt ed chi cativ,
carsû in dla streda e seinza un giuvidè, l’é mat per i caploun, l’è tante viv … cal cambia “sesso” ogni quater dè!
La sô surèla a l’iva marideda cun un sgnor ed Milan, ma in d’un bel gioren, la m’ê turneda a cà, tòta désprèda, perchè al mari, puvràt, al gh’iva i coren!
E mè muiera? L’è ‘na ciaridora ch’la sugarév una funtana ed vein; è vecia e bróta, ma tot al dè l’è fora in minigonna e cun i stivalein!
Meno mel ch’a gh’ sun me per ripieghèr: e a campàm a la mèi cun la pensioun ch’a’m sun més da ‘na pert a lavurèr … in piò ed treint’an ch’a sun e-stè in persoun.
Don Arrigo Mussini – Magreta (Mo)
