Jusfen l’è sempar stà un gran ottimista e al ved sempar al bicer mez pin e quand igh contan dal brutti nutizi o di quei tragich al dis sempar, imperturbabil “a psiva andar pez!”

An zert punt i amigh i decisan ad faragh un scherz e, al bar i tacan a cuntar:

” Jusfen…at sintì ad Gianni? Un dop mezdè l’è turnà a cà dal lavor dimondi prest e l’ha catà la muier a lett con n’om, in preda al nervos l’ha cupà l’amante, pò la muier e pr’ultim, al s’è suicidà dand fogh a la cà!”

E Jusfen imperturbabile : “a psiva andar pez!”

“Ma cusa diit, cusa agh pol essar ad pez!”I sigan i amigh e Jusfen:

“Se Gianni al rietrava a cà prest a la matinna, in cal lett, con so muier, l’arev catà mè!”