Giorgio al passa dal frutivendùl e al ved ch’al taia di pom, al cava la smensa e al fìcca via al pom e,incuriosì, al ga dmanda dal parchè.
“At ga da saver ,Giorgio, che i semi dal pom,magnaa da par lor i aumenta l’intelligenza”.
“Ma an dir dal sumaradi! ” Al rispond Giorgio.
“Basta magnari e at vadrà se a digh dal sumaradi!”
Giorgio al compra tri semi e al li paga 15 €.
Al gioran dop al passa dal frutivendul :
“Saat cus’ho pinsà stanot? Che con 15 € a psiva cumprar quindàs chilo ad pom e cavàr tutta la smensa! ”
Al chè al frutivendùl:
“Vedat ch’a ghiva ragion? At se dvintà più inteligent!!”