BESTI SENSA COA
Aved ch’is pistn e is massan tent umass
chi g’an la testa vuda e al cuar ad giass,
chi badan a impinir sol la sò pensa
e i vivan sensa sug e inteligensa.
I credan da pser far incosa lor
e in tgnosan gnenc cus’a vual dir l’amor;
e sempr i curan chissà vers indoa
i n’en minga om, ma besti senza eoa
chi arbaltarevan ciasi e sentiment
e i cuparevan, par i sold, la gent.
Ragass, enc s’a na vli mai ascultar,
a gh’em da rendr i cont dal nostar far
a on cl’arev apsu faruv cuntent
s’an nissi minga fatt sol i brighent.
Imer Tinti
Tratto da: Turnand a San Szvan – Poesie dialettali – Dialetto di Disvetro di Cavezzo
Anno 1986
