La sculazada – Dialetto di San Felice sul Panaro
Cuma l’è bel gnir al mond !
La mama ch’la m’iva aspettà
ansiosa e con amor
me’ pàdar in smanés
e inveci. . .
chi gh’è par prim ?
un’infarmìra
ch’la m’ha ciapà pri pia
e la m’ha da na’ sculazàda !
Ho cumpì da poch i utant’ann
e ìar è gnu n’infarmirìna
ad dasdot’ann a fàram na’ puntura.
Che bagaeta !
La simbràva disgnàda con un pnel !
An g’ho più vist,
dop utant’ann
l’offesa a l’ho lavàda:
a g’ho da indrìa la sculazàda !…
Riccardo Pelati
Tratto da: Piccola antologia di poesie dialettali della provincia di Modena
