Ogni tant a salta fora na qualc ricerca nova: adess l’è d’moda vler saver se al colesterolo l’è elt o bass, parchè si no an s’pol far gnanc un pass.

Mi a pens cla sia na roba da magnon, ( cioè quei ca magna sensa ragion ) ;

 mi, an n’ó mai magna dimondi e al colesterolo i n’am mai catà.

L’è stada na furtuna nassar puvreta, cara la me Marieta!

Ai me temp, li caramèli e i ciocolatin l’era roba da sgnurin!

Acsì col sangue magro a son carsuda, sana, svelta, e mal pasciuta e tanto vecchia son venuta ….

Adessa, prima ad gustar un biscutin ( anc slè secch e piculin ) a ghèè da sinter al parer dal dietista, dal dutor e dal farmacista . . .

Incò bisogna saver se la pression l’è elta o bassa,, se al sanguv l’è gros o sutilin, prima ad magnar cai biscutin.

Atenti neh! se al colesterolo al va a 400 . . . a ghè ad far in pressia testament!

Quando alle 10 vien quel certo languorino niente dolce o cioccolatino,

ma a basta un bel pom lasarin e acsì al « polistirolo » (com’a dis serta gent) in dal sanguv al na farà più gnent!

Tratto da Poesie Dialettali

Di Rosa Mantovani

Santa Caterina 1984