Jusfen e la Marta in gla cavan minga ad aver un fiol, is cunfidan col parroco che al s’arcmanda ad pregàr e ad far un viazz a Lourdes,  ad impisàr na candela.

I du spos i va a Lourdes e al pret al ven trasferì in n’antàr paes.

Dop dimondi ann al parroco al torna in visita al so paes e al va a catàr Jusfen e la Marta.

Al sona al campanel e agh ven a veràr un putèn ad circa des ann e al pret,tutt cuntent, al pensa che al cunsili ch’l’ha dà a la coppia l’è sta dimondi util.

” Eni in cà to padàr e to màdar?”

“No i en fora”

” Turnaràni a cà tard?”

“An savrev, me madra l’è andata con i me du fradei più picui dal dutòr parchè l’aspetta du smei”

“E te seet da par te in cà?”

“No, a gh’è me surella più granda ch’l’è dre dar al biberon a me surella ad 7  mes.”

” E to padàr?”

“An n’ho minga capì been ma al m’ha dit ch’l’andava a Lourdes a smurzar na candela!”