Lìè mei la nostra!

Commenti (0) Le barzellette della Lory

Giacomo l’è a zenna in un bel ristorant con l’Elvira quand a ven dentar na gran bela donna sexy, stupenda, la va darent a Giacomo, lal braza, agh schiocca un bel baas in sla bocca e con voce languida la diis:

“Ci vediamo domani al solito posto.”

L’Elvira l’è scandalisada:

“Ma chi è cla svargugnada!”

“La mè amante” Rispond  Giacomo.

“Brutt porch, a voi al divorzii!!” La siga l’Elvira.

“An gh’è problema, ma pensagh been, dop al divorzii gnent camarera, gnent spesi in centar, gnint gioiei….Decid pur te, liberament.”

In dal mentar ch’i discutan entra l’amigh Gianni con na gran bela donna, anca lee dimondi sexy ed elegant.

L’Elvira, l’armagn da stucch e incuriosida la dmanda a Giacomo:
“Ma chi ela cla bela donna insem a Gianni!?”

“La so amante, naturalment!”

E l’Elvira:

“L’è mei la nostra!”

Lascia un commento

Il tuo indirizzo email non sarà pubblicato. I campi obbligatori sono contrassegnati *