L’Agnese e Sisto l’è na coppia dimondi, ma dimondi, veccia.

Sisto l’è in punt ad mort e al vol darent l’Agnese.

“Agnese, t’arcordat quand l’è scupiada la prima guerra mondiale e mè a son partì pr’al front e tè at zer darent a mè?”

E l’Agnese: oh si caro!”

“E quand a son stà frii e a son armas quatr’ann in usdal e tè at zer darent a mè?”

“Ma certo caro!”

“E quand l’è scupiada la seconda guerra mondiale e i m’hann ciamà e tè at zer darent a mè?”?”

E l’Agnese piansand: ” Ma certo caro!!!”

” E quand i m’hann  miss in camp ad concentrament e i m’hann liberà dop se ann e tè at zer darent a mè?”

E l’Agnese disprada: “povar al mè tesor!!!!”

“E adess ch’a son drè murir at ze sempar darent a mè??!”

L’Agnese l’è sempar più disprada e Sisto, con l’ultim fià….

“Agnese……an sarà, par caas, ch’at port sfiga!??”