Un cuntadèn al decid ad cumprar un gal zovan parchè al so galìni i fan sempar meno ov e la colpa, second lu, l’è dal gall vecc.
Apena is vedàn, i du gai, i tacan a ciacarar e al più vecc al dmanda al più zovan un piasèr.
“Pr’an perdàr al rispett, vers al galìni, at propon na corsa par decidar chi al tos al pulàr, magari t’am da un pò ad vantagg parchè a gh’ho anch di dulor a i oss”.
Al galett zovan, sicur ad vinsàr agh conced al vantagg.
La matina dop l’è tutt pront par la corsa, a partis al gall vecc e dopa un pooc al galett.
Dopa un mezz gir dal curtil al galett l’è dree ciapar al gall, ma na sciuptada al còpa al galett.
Al cuntaden,con al sciopp in maan l’esclama:
“l’è bèlla al terz galett ch’a compar e anch questo l’è un fnocc!”
