La Marta la vol cumprar un papagàl par faragh cumpagnia, l’è stufa di solit can e gatt.

La và in dla solita butega ch’la vend al besti, la ved in dla gabbia tant bei papagai ma tutt dimondi càar, l’è drè rinunciar quand a un zert punt, in na gabbia da par lù, la ved un papagàl ch’al costa sol vintzinch euro e la decid ad toràl.

Quand la va par pagar al comess l’avvisa:

“Guarda che st’usel al costa pooch parchè l’ha vissù tutta la so vìtta in un casen!”

Alla Marta frega gninta, paga e al porta a cà.

Appena in cà al papagal:

“Nov locàl nova Maitresse.”

Pò i rivan a cà al fioli e al papagal:

“Nov locàl….nova Maitresse e nov ragazoli!”

La Marta e al fioli in mettàn a ridàr tutti cuntenti….simpatich stal papagal!

Torna a cà da laurar al marè e al papagal:

“Nov locàl…nova Maitresse…..nov ragazoli…e vecc client….ciao Jusfen!”

Suggerita da Renzo Mascherini