La Marta l’ha cumprà un robot rivolusionàri, al capis quand un al dis na busia.

Martino, d’undz’ann, al fiol dla Marta , al torna a cà da scola con do ori ad ritard:

“In du set sta!? Lè do ori ch’a ta spetem!” Esclama Jusfen, ch’l’è al padàr.

“A sem andàa in biblioteca a studiar” Al rispond Martino.

Al robot, sintì la risposta, al gira intorn a la tavla e zo un scupason a Martino.

La Marta, dimondi arliada, la ripet la dmanda a so fiol al chè l’è costrett a confessar ch’l’è andà al cinema con di amigh.

“A vedàr che film!?”

“I dieci comandamenti!”

Al robot, ch’è l’è darent,…sbam…n’altar scupasson a Martino.

Al chè al bagaet, piansand, al confessa d’essàr andà a vedàr un fil spurcacion.

” Vargognat”  al siga Jusfen, “mè, alla to età an n’ho mai cuntà dal bàlli ai mè genitòr!”

Subit al robot al gira d’intoran alla tavla e zò un scupasòn a Jusfen.

La Marta a stal punt la tacca a ridàr ad gust.

“T’at tla se vluda Jusfen! Cusa sigat con Martino, a si cumpagn, in fin di cont l’è to fiol !”

A stal punt al robot…..sbam….un scupasòn a la Marta.