AI Barnardon Mirandulés

Di lunari al mónd gh’n’è par tutt;

ii nótn al Sagri, Féri e lunazión;

ii prevéden ogni témp, sia bell sia brutt

e quand as dev semnar il sùchi e i mlón.

S’a vlii un Lunari bón, gh’è Al Bamardón,

che quant a serietà, a sem a post;

e mai al sbaglia circa il previsión:

al mett al fredd da znèr e al cald d’agost!

Al segna il Fèst civili e religiosi

e tanti bei proverbi ad tutti il rassi,

dii ricetti ad cusina par li sposi

e pr’i mari li scadenzi dii tassi.

Di Lunari par tutt a gh’è in dla vita:

gh’è i gióran bei o brutt, col nuvli o al srén;

ma con al Sgnór, seguéndo la strada drita,

‘s riesc a tor la vita cum la ven!!!

Don Giuseppe Mazzola

Tratto da: Questa an l’ho mai sintida – Poesie nel dialetto di Concordia

Autore – Don Giuseppe Mazzola

Anno – 1991

Nella foto : 1977 Fedele Mascheroni “Al Limunar” vendeva il lunario e i limoni nei mercati della Bassa